湖南雞叫城個名點嚟？

上次介紹湖南常德嘅雞叫城2021年度全國十大考古新發現，唔少網民都覺得呢個遺址個名點會叫雞叫城咁得意嘅？

雞叫城遺址發現於1978年，位於湖南常德市澧縣涔南鎮雞叫城村。據《直隸澧州志·古跡》中載：「雞叫城，州二十裡，平原中突起土阜，周遭如環，約四百餘丈，中間甚平衍，四門相向，不類生成者。」呢個地方之所以叫做雞叫城，據記載係話「俗傳仙人夜築此，值雞鳴而止，故名。」原來傳說係神仙响夜晚築城，雞鳴前停手。

至於考古團隊就响雞叫城發現一處主體部分至少330平方米、加南廊至少500平方米嘅木結構房屋，呢個亦係目前考古發現中國最早最完整嘅木結構建築基礎。